लगातार दुई चलचित्र बक्स अफिसमा हिट तथा समीक्षकको नजरमा पनि राम्रो भएपछि सारा अली खानको बलिउड यात्रा सुरुमै चर्चाको शिखरमा छ ।

अभिनेता सैफ अली खान र अभिनेत्री अमृता सिंहकी छोरी सारा अली खानका दुई चलचित्र केदारनाथ र सिम्बाले राम्रो प्रदर्शन गरेका छन् ।

केदारनाथमा साराले पहिलो चलचित्र भए पनि निकै राम्रो अभियन गरेको प्रशंसा भयो । यो चलचित्रले बक्स अफिसमा पनि राम्रो गरेको थियो । त्यसपछि प्रदर्शनमा आएको रनवीर सिंह, अजय देवगणसहितको अभियन रहेको रोहित शेट्टीको चलचित्र सिम्बामा साराको भूमिका तुलनात्मक रुपमा छोटो भए पनि उनको अभियन रुचाइएको छ ।

चलचित्रले बक्स अफिसमा राम्रो प्रदर्शन गरिरहेको छ र समीक्षकले पनि राम्रो प्रतिक्रिया दिएका छन् । सुरुका दुई चलचित्र नै बक्स अफिस र समीक्षकको नजरमा राम्रो भएपछि पनि आफू भने सामान्य युवती नै रहेको साराले बताउने गरेकी छन् ।

उनले चलचित्र प्रदर्शन आएपछि पाएको प्रशंसा र सबैको आकर्षणले आफूलाई कुनै असर नगर्ने बताउँदै आएकी छन् र उनले आफू पहिलेको जस्तै सामान्य युवाती रहेको बताएकी छन् ।

सारालाई चलचित्रमा जस्तै उनका हरेक अन्तर्वार्तामा रुचाइएको छ । उनको बौद्धिक क्षमता र स्पष्ट रुपमा बोल्ने बानीलाई अधिकांशले रुचाएका छन् । सारालाई धेरैले बलिउडको आउँदो सुपरस्टारका रुपमा लिएका छन् । केही समयअघि निदेर्शक रोहित शेट्टीले साराले करिना कपुरको ठाउँ लिन बताएका थिए ।