बुटवल,

फुलबारी बचत तथा ऋण सहकारी सस्थाले एक महिने निशुल्क तालीमको संचालन गरेको छ । सहकारीले आफ्नो सामाजीक उत्तरदायीत्व अन्तर्गत सिटिइभिटी लेभल १ को इलेक्टिसियन सहायक र अस्सिटेन्ट वेल्डर तालीमको सचालन गरेको हो ।
देशमा बढ्दो युवा बेरोजगारीलाई कम गराउन साथै युवाहरुमा सिपको बिकास गराई आर्थिक उपार्जनमा जोड्न बचतको पनि बिकास गराउने उद्धेश्य राख्दै तालीमको आयोजना गरिएको सहकारीका व्यवस्थापक नारायण भुषालले बताउनु भयो ।
बुटवल लगायत आसपास क्षेत्रका झण्डै १०० जना युवाहरुको लागी आयोजना गरिएको तालिमको फुलबारी बचत तथा ऋण सहकारी सस्थाका अध्यक्ष चन्द्रमणी भण्डारी र कोरीया नेपाल इन्ष्च्यिुट अफ टेक्नोलोजी तामनगरका प्रमुख अच्यूत राज तिमल्सीनाले एक कार्यक्रमका बिच तालीमको उद्घाटन गनुभयो ।

कारीया नेपाल इन्ष्टिच्युटको सहयोग र सहकारीको आयोजामा संचालन गरिएको तालीमबाट सिप सिकेका युवाहरुलाइ स्थानीय स्तरमा स्वरोजगारका कार्य गर्नको लागी सहकारीले सहुलीयत दरमा कर्जा प्रवाह गरिने सो अवसरमा सहकारीका सचिव रोशन पाण्डेले जानकारी दिनु भयो ।
कोरीया नेपाल इन्स्टिच्युट अफ टेक्नोलोजीका विभागीय प्रमुख किरण काफ्लेको स्वागत रहेको तालीमको समुद्घाट कार्यक्रमको संचालन प्रशिक्षक ध्रुब भुसालले गर्नु भएको थियो ।