बागलुङ ।
बागलुङको बडिगाडमा जीप दुर्घटना दुर्घटना हुँदा १४ जनाको मृत्य भएको छ ।गुल्मी इश्मा गाउँपालिकाको कैयापाटाबाट बागलुङको निसीखोला गाउँपालिकाका लागि छुटेको ग१ज ५२१९ नम्बरको जीप बडिगाड गाउँपालिका वडा नम्बर ७ भिमगिठेको घोकर्णामा दुर्घटना हुँदा १४ जनाको मृत्यु भएको जिल्ला प्रहरी कार्यालयले जनाएको छ ।जीपमा ९ महिला ४ पुरुष अनि १ बालकको मृत्यु भएको बागलुङ प्रहरी प्रमुख नवराज भटटले जानकारी दिनुभयो।दुर्घटनामा परेका सबै निसीखोलामा कुलपूजाका लागि जाँदै गरेको बुझिए पनि मृत्यु हनेको परिचय खुलिनसकेको प्रहरीले जनाएको छ ।

केही हराइरहेका छन् । दुर्घटनामा घाइते भएका तीन जनालाई स्थानीयबासिन्दा र प्रहरीले उद्धार गरी स्वास्थ्यसंस्थातर्फ पठाएका छन् ।जीपमा कति जना सवार थिए भन्ने एकिन थाहा हुन सकेको छैन । उद्धार कार्य जारी रहेको प्रहरीले जनाएको छ ।