जनता टुडे/ बुटवल

अत्यधिक चिसो बढेपछि रुपन्देहीको तिलोत्तमा नगरपालिकाले नगरभित्रका विद्यालयहरु बन्द गर्ने भएको छ।
चिसोका कारण बालबालिका विद्यालय जान नसक्ने गरी प्रभावित भएकाले नगरपालिकाले बिहीवार र शुक्रवार (दुई दिन)विद्यालय बन्द गर्ने भएको हो ।

तिलोत्तमा नगरपालिकाको आज (बुधबार ) बसेको वैठकले नगरपालिकाभित्रका सामुदायिक र संस्थागत सबै विद्यालय बन्द गर्ने निर्णय गरेको प्रवक्ता सुरेन्द्र श्रीले जानकारी दिनुभयो ।तिलोत्तमामा सामुदायिक ४४ र संस्थागत ४४ विद्यालय  रहेका  छन् ।
यसैबिच तमु ल्होसारको अवसरमा १५ गते समेत नगरपालिकाले स्थानिय बिदा दिने निणय समेत गरेको छ ।