गुल्मी,जनता टुडे -प्रधानमन्त्री कृषि आधुनिकीकरण परियोजना,परियोजना कार्यान्वयन इकाई कफी सुपर जोन गुल्मीको आ.व. २०७६/७७ को स्वीकृत बार्षिक कार्यक्रम अनुसार प्युठानको झिमरुक गाउपालिका वडा नं. १ बालुवामा उद्यमशिलता तथा क्षमता अभिवृद्धि स्थलगत तालिम आज सम्पन्न भएको छ ।

झिमरुक गाउपालिका वडा नं.१ का वडाध्यक्ष ध्रुवराज पोख्रेलले परियोजना कार्यान्वयन इकाई कफी सुपर जोन गुल्मीले आफ्नो क्षेत्रमा पनि काम गरेकोमा खुसि ब्यक्त गर्दै यस्ता तालिमले कृषकहरुलाइ कफि खेति तर्फ आकर्षित तथा उत्प्रेरणा समेत मिल्ने साथै परियोजनाका कार्यक्रमहरु सन्चालनका लागि आफ्नो वडाकार्यालयले पनि सहयोग गर्ने प्रतिबद्धता समेत ब्यक्त गर्नु भयो ।

उक्त तालिममा ३० जना कफि उत्पादक कृषकहरुको सहभागिता रहेको थियो भने तालिमको सहजिकरण परियोजनाका ना.प्रा.स. नरेन्द्र सुनार र सामाजिक परिचालक प्रमोद अर्यालले गर्नु भएको थियो ।

पाल्पा, अर्घाखाची, प्युठान, स्याङ्जा र गुल्मी जिल्लाका कफि सुपर जोनका कार्यक्रम लागु भएका सबै स्थानिय तहहरुलाइ समावेस गरी जम्मा ३५ स्थानमा उद्यमशिलता तथा क्षमता अभिवृद्धि स्थलगत तालिम सन्चालन गर्ने वार्षिक लक्ष्य रहेको र हाल सम्म ३ वटा स्थानमा तालिम सन्चालन भइ सकेको र बाकि स्थानहरुमा क्रमश सन्चालन गरिने परियोजनाका निमित्त कार्यालय प्रमुख समिरसिँह बराई मगरले जानकारी दिनु भयो ।