काठमाण्डौ- नेपाल एअरलाइन्सका २५ जना पाइलटले नेपाली पाइलटलाई भन्दा विदेशी पाइलटलाई सेवा सुविधा बढी दिने गरेको भन्दै सामूहिक राजीनामा दिएका छन् ।

विदेशी र नेपाली पाइलटबीच सेवा सुविधामा चरम विभेद गरिएको भन्दै उनीहरुले तीन महिनाको समय दिएका छन् । उनीहरुले व्यवस्थापनसमक्ष राजीनामा पत्र बुझाएका हुन् ।

व्यवस्थापनको काममा नेपाली स्थायी कर्मचारी बढी खटिनुपर्ने तर सेवा सुविधा विदेशी पाइलटलाई दिइएको आरोप उनीहरुको छ । ।

उनीहरुले तीन महिनामा नेपाली पाइलटलाई तालिम दिएर सबै विदेशी पाइलट विस्थापन गर्नु पर्ने माग राखेका छन् । यसो नभए नेपाली पाइलटले दिएको राजीनामा स्वीकृत गरेर सबैलाई करारमै काम चलाउन विकल्प दिए ।

तीन महिनासम्म पनि माग सम्बोधन नभए उनीहरुले काममा नआउने चेतावनी दिएका छन् ।