काठमाण्डौ
नेपाल आयल निगमले बजारमा पेट्रेलियम पदार्थको अभाव नरहेको बताएको छ । कोरोना भाइरस कोभिड–१९को संक्रमणको जोखिम बढेका बेला भारतबाट आयात बन्द हुने आशंकामा बजारमा माग बढेको भए पनि आपूर्तिमा कुनै समस्या नरहेको आयल निगमले बताएको हो ।
निगमका प्रबन्ध निर्देशक सुशिल कुमार पौडेलले मंगलबार काठमाण्डौमा आयोजित एक साक्षात्कारमा पेट्रोलियम पदार्थको माग अत्याधिक बढेको तर आयात र वितरणमा कुनै समस्या नरहेको बताउनुभयो ।वाणिज्य, आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले पेट्रोलियम पदार्थको वितगरमा निरन्तर अनुगमन भइरहेको बताउनुभयो । उहाँले ग्यासको वितरण प्रणालीमा भने केही समस्या देखिएकाले बजारमा अभाव देखिएको बताउनुभयो ।