बुटवल

सिद्धार्थ बैंक लिमिटेड प्रदेश न ५ ले विश्वव्यापी महामारीको रुपमा फैलिएको कोरोना भाइरस संक्रमण विरुद्धको रोकथाम नियन्त्रण कोषमा सहयोग गरेको छ । शनिवार बैंकका प्रदेश ५ प्रमुख सुशिल नेपाल, बुटवल मिलनचोक शाखा प्रमुख चन्द्रदेव पौड्याल र भैरहवा शाखा प्रमुख जिवन घिमिरेले संयुक्त रुपमा मुख्यमन्त्रि शंकर पोख्रेललाई १० लाख रुपैयांको चेक प्रदान गरेका हुन् । रकम प्रदान गर्दै बैंकका प्रदेश प्रमुख नेपालले वित्तिय संस्था सेवाग्राही र सरकारप्रति उत्तरदायि रहेको भन्दै आपतकालीन अवस्थामा सक्दो सहयोगको प्रयास गरेको बताए ।
बैंकले गरेको सहयोगको प्रशंसा गर्दै मुख्यमन्त्रि पोख्रेलले विपदका बेला सबैले सहयोग गरी संयमित भएर जिम्मेवार नागरिकको दायित्व पुरा गर्न आग्रह गरे । उनले लकडाउनको समयमा घरमै बसेर स्वास्थ्यको हेरचाह गर्न समेत सुझाए । हस्तानतरण कार्यक्रममा सत्तारुढ दल नेकपा प्रदेश ५ का सचेतक भुमिश्वर ढकाल, समाजसेवी शोभाकान्त पाण्डे लगायतको उपस्थिती थियो ।