बुटवल —कोभिड १९ का बिरामी थपिदै गएपछि प्रदेशका हरेक जिल्लामा आइसोलेशन केन्द्र निर्माण गरीने भएको छ ।
मन्त्रिपरिषदको बैठकले तराइका जिल्लामा २ सय र पहाडी जिल्लामा ५० बेड क्षेमताका अइसोलेसन केन्द्र निर्माण गर्ने निर्णय गरेको हो । बैठकले आइसेलेसन केन्द्र निर्माणकालागि कोभिड कोषबाट जिल्लालाइ रकम उपलब्ध गराउने निर्णय पनि गरेको छ । लक्षण नदेखिएका र सामान्य स्वास्थ्य अवस्था भएका संक्रमितलाइ आइसोलेसन केन्द्रमा राख्ने र लक्षण वा स्वास्थ्य समस्या देखिएका सक्रमितलाइ आइसोलेसन अस्पालमा राख्ने योजना प्रदेश सरकारको छ । प्रदेशमा यसअघि बनाइएका आइसोलेसन अस्पाल भरीइसकेका छन ।
जेठ १० गते नीति तथा कार्यक्रम प्रस्तुत गर्न प्रदेश प्रमुखलाइ अनुरोध गर्ने र जेठ १५ गते गणतन्त्र दिवशमा दिपावली गर्ने निर्णय मन्त्रीपरिषद बैठकले गरेको मुख्य मन्त्रीका प्रेश सल्लाहकार शेरबहादुर केसीले जानकारी दिनु भयो । प्रदेश सभाको प्रमुख प्रतिपक्ष दल नेपाली काँग्रेसको संसदिय दलका नेता स्वर्गीय बलदेव शर्मा पोखरेलको बीमा बापतको १० लाख प्रदान गर्ने निर्णय पनि बैठकले गरेको छ ।