काठमाडौं -नेपालमा कोरोना संक्रमितको संख्या ६ सय ७५ पुगेको छ । सोमबार एकैदिन थप ७२ जनामा कोरोना सङ्क्रमण पुष्टि भएसँगै संक्रमितको संख्या ६ सय ७५ पुगेकाे हाे ।

स्वास्थ्य तथा जनसंख्या मन्त्रालयले आज थप ७२ जनामा काेराेना संक्रमण भएकाे पुष्टि गरेकाे हाे ।

मन्त्रालयका अनुसार धनुषाको नगराइन नगरपालिकाका ३ जना पुरुष, कपिलवस्तुको शिवराज नगरपालिका वडा नम्बर ४,५ र ६ का ३ जना पुरुषमा सङ्क्रमण पुष्टि भएको छ ।

यस्तै बाराको कलैया नगरपालिकाका २ जना पुरुष, गढिमाइ नगरपालिकाका २१ जना पुरुष र रौतहटको राजपुर फरहदवा र इश्नाथका २६ जना पुरुष संक्रमित भएका छन् ।