मस्को ।
रुसमा नोभेल कोरोना भाइरसको संक्रमणबाट एकदिनमा मृत्यु हुनेको संख्या अहिलसम्मकै उच्च रहेको जनाइएको छ ।
पछिल्लो चौबीस घण्टामा रुसमा २३२ कोरोना संक्रमितको मृत्यु भएको छ । रुसमा हालसम्म कोरोना संक्रमणबट मृत्यु हुनेको संख्या चार हजार ३७४ पुगेको छ । रुसी कोरोना रोकथाम केन्द्रका अनुसार पछिल्लो चौबीस घण्टामा ८ हजार ५७२ कोरोना संक्रमित थपिएका छन् ।
हालसम्म रुसमा कोरोना संक्रमितको संख्या तीन लाख ८७ हजार ६२३ पुगेको छ । यो संख्या विश्वमै अहिलेसम्मको तेस्रो ठूलो संख्या हो । सबैभन्दा बढी कोरोना संक्रमित अमेरिकामा छन् भने दुई नम्बरमा ब्राजिल छ ।