काठमाण्डाै – भारतका केन्द्रीय गृह सचिव अजय भल्लाले यातायातका साधन र ढुवानीका साधनलाई कडाई नगर्न आह्वान गर्नुभएको छ ।

शुक्रबार पत्र लेख्दै उहाँले बेलुका ९ बजेदेखि बिहान ५ बजेसम्म बस, ट्रकलगायत सञ्चालनमा अवरोध नगर्न आह्वान गर्नुभएको हो । सामाजिक दुरीलाई ख्याल गर्दै आफ्ना गतिविधिहरू गर्न दिने सरकारको नीति अनुसार नै राजमार्गहरुमा उनीहरुलाई सहज सञ्चालनका लागि आग्रह गरिएको मन्त्रालयको भनाइ छ ।

उहाँले लकडाउनलाई खुकुलो बनाउनका लागि केही नयाँ व्यवस्थासहित निर्देशिका जारी गरिएको पनि जानकारी दिनुभएको छ ।

“अत्यावश्यक सेवा तथा कार्यबाहेक अन्य कार्यका लागि प्रतिबन्ध लगाइएकोमा अब केही खुल्ला गरिएको छ । विषेश गरेर बेलुका ९ बजेदेखि बिहान ५ बजेसम्मका लागि खुल्ला गरिएको हो,” उहाँले जारी गरेको पत्रमा उल्लेख गरिएको छ ।

जुनसुकै गतिविधि गर्दा पनि सामाजिक दुरी कायम गर्ने विषयमा भने ध्यान दिन पनि उहाँले आग्रह गर्नुभएको छ ।