गत वर्षको र यो वर्षको तीजमा ‘बीच्च बीच्चमा’ र ‘बीच्च बीच्चमा २’ निकै लोकप्रिय बनेका कारण गायक दुर्गेश थापा अब भने ‘बीच्च बीच्चमा ३’ को तयारीमा रहेका छन् ।

गायक दुर्गेश थापाले आफ्नो फेसबुकमा एक तस्विर सार्वजनिक गर्दै ‘बीच्च बीच्चमा ३’ को तयारी गरिरहेको जानकारी दिएका हुन् ।

तस्विर सार्वजनिक गर्दै थापाले केही फरक हैन पूरै फरक तरिकामा आउने तयारी गरिरहेको लेखेका छन् ।

‘बीच्च बीच्चमा ३’मा यो पटक दुर्गेश केटी बनेका छन् । सार्वजनिक तस्विरमा दुर्गेशसहित अन्य कलाकारहरूले लगाएको साडी र लुक्स हेर्दा पनि यो पटकको बीच्च बीच्चमा निकै फरक रहेको देखिन्छ ।

गत वर्ष ‘बीच्च बीच्चमा’ बोलको तीज गीत ल्याएर चर्चामा आएका थापाले गत साता नयाँ तीज गीत बीच्च बीच्चमाको दोस्रो पार्ट ‘एउटा फोटो खिच’ युट्युबमा सार्वजनिक गरेका थिए ।

गीत सार्वजनिक भएको केही दिनमै चोरीको आरोपसमेत लागेको थियो ।