काठमाडौं – नेपालमा कोरोना भाइरस (कोभिड–१९) संक्रमण हुनेको संख्या २३ हजार नाघेको छ ।

सोमबार थप ३३८ जनामा संक्रमण पुष्टि भएसँगै संक्रमितको संख्या २३ हजार ३१० पुगेको स्वास्थ्य तथा जनसंख्या मन्त्रालयले जानकारी दिएको छ ।

विभिन्न ३७ प्रयोगशालामा गरिएको ८ हजार ७३२ जनाकाे परीक्षणमा थप ३३८ जनामा कोरोना संक्रमण पुष्टि भएको हो ।

कुल संक्रमितमध्ये सक्रिय संक्रमितको संख्या ६ हजार ७३८ रहेको छ ।

यता, नेपालमा कोरोना संक्रमणमुक्त हुनेको संख्या १६ हजार ४९३ पुगेको छ । कुल संक्रमितमध्ये ७०.७ प्रतिशतले कोरोना जितेका हुन् ।

पछिल्लो २४ घण्टामा थप १४० जना कोरोनालाई जितेर घर फर्किएका छन् ।