डोल्पा – डोल्पाको ठूलीभेरी नगरपालिकामा जङ्गली च्याउ खाँदा चार जना बिरामी परेका छन् ।

ठूलीभेरी नगरपालिका ७ का ३३ वर्षीय उत्तमबहादुर शाही, ३१ वर्षीय सूर्यबहादुर साही, वडा नम्बर ८ का ३३ वर्षीय कमलबहादुर शाही र वर्ष ४४ का सत्यबहादुर शाही बिरामी परेको नगरपालिकाका प्रमुख गणेशबहादुर शाहीले बताउनुभयो ।

उपचारका लागि तीन जनालाई हेलिकप्टरमार्फत अस्पताल पठाइसकेको र अर्का एक जनालाई आफैले भेरी अञ्चल अस्पताल नेपालगञ्ज लैजान लागिएको नगरपालिकाका प्रमुख शाहीले बताउनुभयो ।

आइतबार राति नै च्याउ खाएर बिरामी परेका उनीहरुको अवस्थाबारे प्रहरीलाई सोमबार बिहान मात्रै खबर पुगेको थियो ।