बुटवल-नेपालमा आइतबार थप १ हजार २२१ जना नयाँ कोरोना संक्रमितहरू थपिएका छन् ।

स्वास्थ्य तथा जनसंख्या मन्त्रालयले आज ३४८ महिला र ८७३ पुरुष गरी थप १ हजार २२१ जनामा कोरोना संक्रमण पुष्टि भएको जानकारी दिएको हो ।

विभिन्न ३९ प्रयोगशालामा गरिएको १२ हजार ७१७ जनाको परीक्षणमा थप १२ सय २१ जनामा कोरोना संक्रमण पुष्टि भएको मन्त्रालयका प्रवक्ता प्रा।डा। जागेश्वर गौतमले जानकारी दिए ।

यससँगै कोरोना संक्रमितको संख्या ३८ हजार ५६१ पुगेको छ । संक्रमितमध्ये सक्रिय संक्रमितको संख्या १७ हजार ५१८ रहेको छ ।

यता, नेपालमा कोरोनामुक्त हुनेको संख्या २० हजार ८२२ पुगेको छ । पछिल्लो २४ घण्टामा थप २६७ जना कोरोनालाई जितेर घर फर्किएका छन् ।