बुटवल।
बुटवल उपमहानगरपालिकाका १३ सहित आजरुपन्देहीमा थप १८ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा ९ महिला र ९ पुरुष गरी रुपन्देहीमा थप १८ जनामा कोरोना भाइरस संक्रमण पुष्टि भएको स्वास्थ्य कार्यालय रुपन्देहीले जनाएको छ ।
यससँगै रुपन्देहीमा कोरोना संक्रमितको संख्या २ हजार ७२ पुगेको छ ।
स्वास्थ्य कार्यालय रुपन्देहीका अनुसार सोमबार बुटवल उपमहानगरपालिकाका ९ महिला र ४ पुरुष गरी १३ जना, सिद्धार्थनगर नगरपालिकाका ४ जना र तिलोत्तमा नगरपालिकाका १ जना गरी १८ जनामा कोरोना भाइरस संक्रमण पुष्टि भएको छ ।
रुपन्देहीमा हालसम्म १ हजार ३ सय २ जना कोरोना संक्रमित निको भएका छन भने ७ सय ४९ जना उपचाररत रहेको स्वास्थ्य कार्यालय रुपन्देहीले जनाएको छ ।
जिल्लामा हासम्म २१ जना कोरोना संक्रमितको मृत्यु भएको छ ।