नेपालमा कोरोना भाइरस (कोभिड–१९) संक्रमण पुष्टि हुनेको संख्या ७० हजार नाघेको छ ।

स्वास्थ्य तथा जनसंख्या मन्त्रालयका अनुसार आज थप १३ सय १३ जनामा कोरोना पुष्टि भएसँगै संक्रमितको संख्या ७० हजार ६१४ पुगेको हो ।

मन्त्रालयका प्रवक्ता प्रा. डा. जागेश्वर गौतमका अनुसार विभिन्न प्रयोगशालामा गरिएको १२ हजार २६२ जनाको परीक्षणमा थप १३ सय १३ जनामा कोरोना संक्रमण पुष्टि भएको जनाएको छ ।

कुल संक्रमितमध्ये सक्रिय संक्रमितको संख्या १८ हजार २८९ रहेको छ ।

यता, नेपालमा कोरोनामुक्त हुनेको संख्या ५१ हजार ८६६ पुगेको छ । पछिल्लो २४ घण्टामा थप १४ सय ५५ जना कोरोनालाई जितेर घर फर्किएका छन् ।