बुटवल। बुटवलका ३५ सहित रूपन्देहीमा मंगलबार थप ८४ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा रूपन्देही जिल्लामा ४७ पुरूष र ३७ महिला गरि ८४ जनामा कोरोना भाइरस संक्रमण पुष्टि भएको स्वास्थ्य कार्यालय रूपन्देहीले जनाएको छ ।

यससँगै रूपन्देही जिल्लामा कोरोना भाइरस संक्रमितको संख्या ५ हजार ९ सय १८ पुगेको छ ।

स्वास्थ्य कार्यालय रूपन्देहीका अनुसार मंगलबार रूपन्देहीको बुटवल उपमहानगरपालिकाका ३५ जना,सिद्वार्थनगर नगरपालिकाका २२ जना,तिलोत्तमा नगरपालिकाका २१ जना,सैनामैना नगरपालिकाका ३ जना र ओमसतिया गाउपालिकाका २ जनामा कोरोना भाइरस संक्रमण पुष्टि भएको छ ।
रूपन्देही जिल्लामा हालसम्म ३ हजार ७ सय २७ जना कोरोना संक्रमित उपचारपछि निको भएर घर फर्किएका छन् भने ६८ जनाको मृत्यु भएको छ ।
हाल रूपन्देही जिल्लामा २ हजार १ सय २३ जना कोरोना संक्रमित उपचाररत रहेको स्वास्थ्य कार्यालय रूपन्देहीले जनाएको छ । यसैबीच रूपन्देही जिल्लामा सोमबार थप २८ जनामा कोरोना भाइरस संक्रमण पुष्टि भएको स्वास्थ्य कार्यालय रूपन्देहीले जनाएको छ ।

सोमबार बुटवल उपमहानगरपालिकाका १४ जना,सैनामैना नगरपालिकाका ४ जना,तिलोत्तमा नगरपालिका र सिद्वार्थनगर नगरपालिकाका ३र३ जना,देवदह नगरपालिका,सियारि गाउपालिका,गैडहवा गाउपालिका र ओमसतिया गाउपालिकाका १र१ जनामा कोरोना भाइरस संक्रमण पुष्टि भएको छ ।