बुटवल
रुपन्देहीमा मंगलबार ८५ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा जिल्लाका ४९ पुरुष र ३६ महिला सहित ९६ जनामा कोरोना भाइरस संक्रमण पुष्टि भएको स्वास्थ्य कार्यालय रुपन्देहीले जनाएको छ ।
स्वास्थ्य कार्यालय रुपन्देहीका अनुसार मंगलबार रुपन्देहीको बुटवल उपमहानगरपालिकाका २९ जना,सिद्धार्थनगर नगरपालिका र सैनामैना नगरपालिकाका १६÷१६ जना,तिलोत्तमा नगरपालिकाका ९ जना,सुद्धोधन गाउपालिकाका ६ जना,देवदह नगरपालिका र सियारी गाउपालिकाका ३÷३ जना,तथा ओमसतिया गाउपालिका,लुम्बिनी सांस्कृतिक नगरपालिका र कञ्चन गाउपालिकाका १÷१ जनामा कोरोना भाइरस संक्रमण पुष्टि भएको छ ।

यससँगै रुपन्देही जिल्लामा कोरोना भाइरस संक्रमितको संख्या ६ हजार ५ सय १७ पुगेको छ ।

जिल्लामा हालसम्म ४ हजार ७ सय ८८ जना कोरोना संक्रमित उपचारपछि निको भएर घर फर्कीएका छन् भने ७५ जनाको मृत्यु भएको छ ।

हाल रुपन्देही जिल्लामा १ हजार ६ सय ५४ जना कोरोना संक्रमित उपचाररत रहेको स्वास्थ्य कार्यालय रुपन्देहीले जनाएको छ ।