बुटवल

फूलबारी बचत तथा ऋण सहकारी सस्था लिमिटेड बुटवलको १३ औं वार्षिक साधारणसभा शनिबार सम्पन्न भएको छ । बुटवल १ मा मुख्य कार्यालय रहेको सहकारीले सेयर सदस्यहरुको भौतिक र भर्चुअल सहभागितामा साधारण सभा सम्पन्न गरेको हो ।सहकारी विभागको निर्देशन पालना गरी सम्पन्न उक्त साधारणसभामा संस्थाका अध्यक्ष श्री चन्द्रमणी भण्डारी ले नेपालको संविधानमा आर्थिक विकासको ३ खम्बे नीतिमा सहकारीलाई एक खम्बाको रुपमा राखेको हुनाले अब नेपाल सरकारको नीति अनुसार सहकारीले सदस्यहरुको आर्थिक विकास , सामाजिक विकास र सांस्कृतिक विकासको निमित्त कार्य गर्नु आवश्यक छ भन्दै सहकारीको संख्यात्मक बृद्धि भए अनुसार यसको गुणात्मक विकास हुन पनि जरुरी छ भन्नुभयो । उहाँले स्थानीय समुदायमा आधारित हाम्रो यस संस्थाले शेयर पूँजी बृद्धि गर्ने तथा शेयर सदस्यहरुलाई सरल र सूलभ तरिकाबाट ऋण लगानी गर्ने बताउनुभयो । साधारणमा संस्थाका सचिव रोशन पाण्डेले वार्षिक कोषाध्यक्ष लोकेन्द्र कृष्ण श्रेष्ठ आर्थिक प्रतिवेदन र लेखा सुपरीवेक्षण समिति संयोजक ऋषीकेश शर्माले लेखा सुपरीवेक्षण समितिको प्रतिवेदन पेश गर्नुभयो । प्रतिवेदनमाथि सदस्यहरुले सुझाब दिदै सर्वसहमतीमा पारित गरीयो । साधारण सभामा मन्तव्य व्यक्त गर्दै संस्थाका सल्लाहकारहरु प्रेम बहादुर फौदार, टंक प्रसाद गैरे, रुक्मागत पाण्डेले सहकारी संस्थाहरुले सहकारी सिद्धान्त , नीति , विधि र प्रविधिलाई आत्मसात गरी शेयर सदस्यहरुको जीवनस्तर माथि उठाउने सहयोग पुग्ने गरी कार्य गर्नु पर्ने बताउनुभयो । फुलबारी सहकारीका अध्यक्ष चन्द्रमणी भन्डारीको अध्यक्षतामा भएको कार्यक्रममा सहकारीका उपाध्यक्ष पुष्कर बहादु कार्की को स्वागत रहेको कार्यक्रमको संचालन सचिव रोशन पाण्डेले गर्नु भएको थियो ।