तिलोत्तमा
कालीगण्डकी बचत तथा ऋण सहकारी संस्थाले बुधबार रक्तदान कार्यक्रम गरेको छ। कार्यक्रममा२४ जनाले रक्तदान गरेको संस्थाले जनाएको छ।
तिलोत्तमा नगरपालिका ३ मा रहेको कालीगण्डकी बचत तथा ऋण सहकारी संस्थाले आफ्नो नियमित कार्यक्रम अन्तरगत रक्तदान कार्यक्रम गरेको हो ।
रक्तदान जीवनदान भन्ने मुल आशयका साथ आयोजना भएको सो कार्यक्रममा सहकारी संस्थामा आबद्ध सेयर सदस्य एवं अन्य स्थानियहरुको सहभागिता रहेको थियो ।
तिलोत्तमा नगरपालिका ३ का वडाध्यक्ष टंक प्रसाद तिवारीको प्रमुख आतिथ्यतामा सम्पन्न कार्यक्रमको प्राबिधिक सहयोग ब्लडबैंक बुटवलले गरेको संस्थाका अध्यक्ष यज्ञ प्रसाद सापकोटाले जानकारी दिए।
कार्यक्रममा बोल्दै प्रमुख अतिथि तिवारी ले पहिले रक्तदान गर्नेलाई मानसिक रूपमा तयार पार्न कठिन भएको तर अहिले आएर सबैले सहजै रक्तदान गर्न थालेकोले खुसी भएको बताए। सोही क्रममा ब्लड बैंक बुटवलका राधा ज्ञवालीले हाम्रो शरीरमा बढी भएको तर पसिना र रगत बाट खेर जाने रगतलाई हामीले समय समयमा रक्तदान गरेमा जोखिममा रहेका ब्यक्तिले पुनर्जीवन पाउने बताए।
संस्थाका स्वास्थ्य बिभाग प्रमुख प्रभा भन्डारी घिमिरेको संयोजकत्वमा संचालित रक्तदान कार्यक्रमको संचालन सचिव दिपक थापाले गरेका थिए ।