काठमाडाैँ – कोभिड १९ संकट व्यवस्थापन केन्द्र (सीसीएमसी) ले माघ १५ सम्म विद्यालय बन्द गर्न सिफारिस गरेकाे छ । प्रवक्ता सुनिता नेपालकाअनुसार आइतबार बसेकाे सीसीएमसीकाे बैठकले माघ १५ सम्म देशभरका विद्यालय बन्द गर्न सिफारिस गरेको हो ।

यो अवधिको बिदालाई हिउँदे बिदामा बदल्न पनि सिफारिस गरिएको प्रवक्ता नेपालले जानकारी दिइन्। सीसीएमसीको यो सिफारिसका आधारमा सरकारले निर्णय गर्न भने बाँकी छ ।काेराेना संक्रमण बढेकाे भन्दै सरकारले विद्यालय बन्द गरेर जोखिम कम गर्ने नीति लिइएको हो ।

शुक्रबार मात्रै २४ जना काेराेनाभाइरसकाे ओमिक्राेन प्रजातिकाे संक्रमण देखिएकाे थियाे ।

त्यसपछि भने अवस्था हेरेर आवश्यक निर्णय लिने सीसीएमसीले जनाएकाे छ ।