काठमाडौं – नेपालमा गत चौबीस घण्टामा थप १०५ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका अस्पतालहरुबाट २ हजार ४४८ जनाको पीसीआर परीक्षण गर्दा ७० र २ हजार ४७६ जनाको एन्टीजेन विधिबाट परीक्षण गर्दा ३५ जना गरि कुल १०५ जनामा कोरोना संक्रमण पुष्टि भएको हो । नेपालमा हाल सक्रिय संक्रमितको संख्या ७ हजार ५१७ रहेको छ ।

त्यस्तै, नेपालमा गत चौबीस घण्टामा थप ३२० जना संक्रमण मुक्त भइ डिस्चार्ज भएका छन् । योसँगै नेपालमा कोरोना संक्रमण मुक्त हुनेको कुल संख्या ९ लाख ५७ हजार ८०८ पुगेको छ । नेपालमा कोरोना निको हुने दर ९८ प्रतिशत पुगेको छ ।

त्यस्तै, गत चौबीस घण्टामा थप ३ जनाको कोरोना संक्रमणका कारण मृत्यु भएको छ । योसँगै नेपालमा कोरोनाका कारण ज्यान गुमाउनेको कुल संख्या ११ हजार ९४४ पुगेको छ ।

त्यस्तै, गत चौबीस घण्टामा देशभर थप १ लाख २४ हजार ७८८ जनाले कोरोना भाइरसविरुद्धको खोप लगाएका छन् ।