काठमाडौं – पछिल्लो २४ घन्टामा देशभरि १० जना कोरोना संक्रमित भेटिएका छन्। स्वास्थ्य तथा जनसंख्या मन्त्रालयको विवरणअनुसार ४ हजार ६ सय ९१ जनामा गरिएको परीक्षणमा १० जना संक्रमित भेटिएका ह‍ुन्।

आज ३४ जना संक्रमणमुक्त भएका छन् भने २४ घन्टा संक्रमणबाट मृत्यु हुनेको संख्या शून्य रहेको छ। हाल देशभरि जम्मा ६ जना संक्रमित आइसियू र भेन्टिलेटरमा उपचार गराइरहेका छन्।

मन्त्रालयको विवरणअनुसार हाल देशभरि ३ सय ५० जना मात्र सक्रिय संक्रमित रहेका छन् भने काठमाडौं उपत्यकामा जम्मा ४५ जना सक्रिय संक्रमित रहेका छन्। हाल २० वटा जिल्ला कोरोना संक्रमणमुक्त भएका छन्।