बुटवल -बुटवल उपमहानगरपालिका ३ मा सञ्चालित ह्याप्पीनेश कार्यक्रम शनिबार सकिएकाे छ । बुटवल लेडी जेसिज वर्ष २४ काे अायाेजनामा अाइतबारबाट सुरु भएकाे ५ दिने कार्यक्रम शनिबार सकिएको हाे ।

बुटवल ३ मा रहेकाे कृष्ण प्रणामी सेन्टरमा द अार्ट अफ लिभिङ बुटवलकाे सहयाेगमा भएकाे कार्यक्रममा हरेक दिन बिहान ५ बजेदेखि ८ बजेसम्म याेग र प्रणायामका अभ्यासहरू भएका थिए ।

अहिलेकाे व्यस्त समयमा मानिसले अाफ्नाेलागि पनि केही समय दिनुपर्ने भन्दै यस कार्यक्रम गरिएको वर्ष २४ का अध्यक्ष संगीता ढकालले बताइन् । सन १९९६ मा स्थापना भएकाे संस्था सामाजिक सेवामा समर्पित हुँदै अाइरहेकाे छ । बुटवल लेडी जेसिजले हरेक महिना समयअनुसारका विभिन्न रचनात्मक र सृजनात्मक कार्यक्रमहरू गर्दै अाइरहेकाे छ ।

कार्यक्रममा १८ वर्षभन्दा माथिका महिला पुरूष सहभागी भएकाे कार्यक्रम संयाेजक पुनम पन्तले जानकारी दिइन् ।  कार्यक्रममा पूर्व अध्यक्ष तथा खेम अाेमी पुन कल्याणकारी प्रतिष्ठानका अध्यक्ष जेसी अाेमी पुन , दीप बाेर्डिङका प्राचार्य टीकाराम न्याैपाने , वडा नम्बर ३ का वडा सदस्य हरि नारायण मिश्रा , उज्ज्वल कसजु , सहजकर्ता भारती जाेशी , बुटवल जेसिजका पूर्व अध्यक्ष विद्या जाेशीलगायतकाे सहभागिता रहेकाे थियाे । खुसी हुनकाे लागि योग , ध्यान , साधना र सतसंगबाट सम्भव हुने हुँदा अन्तिम दिन ध्यानसम्बन्धि सचेतना कार्यक्रम गरिएकाे महासचिव रूपा श्रेष्ठले बताइन् ।