तिलोत्तमा, राष्ट्रिय स्वतन्त्र पार्टीका सभापति एवं पूर्व गृहमन्त्री रवि लामिछाने जिल्ला अदालत रुपन्देहीमा उपस्थित हुनका लागि आज भैरहवा आइपुगेका छन् ।

लामिछाने माथी जिल्ला अदालत रुपन्देहीमा सहकारी ठगी र संगठित अपराधमा मुद्दा दर्ता भएपछि मुद्दाको प्रतिवादका लागि अदालतमा उपस्थित हुन भैरहवा आइपुगेका हुन् ।बुटवलस्थित सुप्रिम बचत तथा ऋण सहकारी संस्थाको रकम ठगी प्रकरणमा गत माघ ६ गते अदालतमा दर्ता भएको पुरक अभियोगपत्रमा उनलाई प्रतिवादी बनाइएको छ ।

मंगलबार बुद्ध एयरलाइन्सको उडान नम्बर यू ४(८५९ बाट श्रीमती निकिता पौडेल लामिछानेका साथ साँझ उनी भैरहवा आइपुगेका हुन् ।

भैरहवाको होटल मेरिगोल्डमा बसेका पूर्वगृहमन्त्री समेत रहेका लामिछाने अदालतमा हाजिर भएपछि उनको बयान हुनेछ र त्यसपछि थुनछेक बहस सुरु हुने रास्वपा श्रोतले जनाएको छ।