तिलोत्तमा-सिद्धार्थ इंग्लिस बोर्डिङ स्कूलमा जिल्लास्तरीय अन्तर मा वि चित्रकला प्रतियोगिता २०८१ सम्पन्न भएको छ ।

जिल्लाभरका विद्यालयबिच सुमधुर सम्बन्ध स्थापित गर्न तथा विद्यार्थीको अन्तर्निहित कला प्रतिभा प्रस्फुटन गर्ने उद्देश्यले एक दिने चित्रकला प्रतियोगिता आयोजना गरिएको हो ।

१८ विद्यालयको सहभागिता रहेको उक्त प्रतियोगितामा पामिर इन्टरनेसनल एकेडमीका राजन थापा प्रथम भएका छन् । त्यसैगरी न्यु इनभाइरन्मण्टका अभिक दिप मल्ल द्वितीय,लुम्बिनी वर्ल्डकि सोफि आले तृतीय र गार्गी एकेडमीकि दिब्सना कुमालले सान्त्वना स्थान हासिल गरिन्। विजयी विद्यार्थीहरुलाई विद्यालय व्यवस्थापन समितिका अध्यक्ष रामलाल श्रेष्ठ , नेपाल व्यवसायिक कलाकार सङ्घ रुपन्देहीका सल्लाहकार एच । बि । रम्तेल , कार्यक्रम संयोजक स् अमर क्षेत्री ले नगद , शिल्ड र प्रमाणपत्रद्वारा बिध्यार्थीहरुलाई पुरस्कृत गर्नु भएको थियो ।

विद्यालयका प्राचार्य यम बहादुर रानाको स्वागत मन्तव्य तथा विद्यालयका सह प्राचर्य रमेशप्रसाद बस्यालले कार्यक्रमको औचित्यमाथि प्रकाश पार्नुभएको थियो ।

साथै विद्यालयले यहि माघ २३ गते जलवायु परिवर्तन समस्या र समाधान विषयक जिल्लास्तरीय अन्तर मा वि वक्तृत्वकला प्रतियोगिता आयोजना गर्ने वक्तृत्वकला प्रतियोगिता कार्यक्रमका संयोजक शिक्षक शंकर पौड्यालले जानकारी दिनुभयो ।