तरुण दलको महाधिवेशन आगामी मंसिर २६ देखि २८ गतेसम्म

काठमाडौं । नेपाली कांग्रेसले नेपाल तरूण दलको महाधिवेशन आगामी मंसिर २६-२८ सम्म गर्ने भएको छ । केन्द्रीय समितिको बैठकले महाधिवेशन निर्देशन समितिको प्रस्ताव अनुरुप तोकिएको समयमा अनिवार्य महाधिवेशन सम्पन्न गर्ने निर्णय गरेको मुख्यसचिव कृष्णप्रसाद पौडेलले बताए ।

महाधिवेशनसम्मका लागि केन्द्रीय समितिको पदावधि थप गर्ने एवं तयारी र व्यवस्थापन सहजीकरणका लागि नेपाल तरूण दलको मौजुदा कार्यसमिति भित्रैबाट सानो व्यवस्थापन समिति बनाउने निर्णय गरेको उनले बताए । महाधिवेशन सम्पन्न गर्न निर्देशन समितिलाई पार्टीको तर्फबाट सम्पूर्ण जिम्मेवारी प्रदान गरिएको छ ।