काठमाडौँ – नेपाल प्रहरी प्रधान कार्यालयको आयोजनामा भएको दुई दिवसीय प्रथम महिला प्रहरी सम्मेलन आज सम्पन्न भएको छ । बिहीबारदेखि सुरु भएको सम्मेलन समापन गर्दै गृहसचिव गोकर्णमणि दुवाडीले सम्मेलनले नेपाल प्रहरीको इतिहासमा लैङ्गिक समावेशीकरण र सशक्तीकरणको यात्रामा नयाँ अध्यायको सुरूवात गरेको बताए ।

नेपाल प्रहरीमा पहिलोपटक देशभरका महिला प्रहरी कर्मचारी, अवकाश प्राप्त महिला प्रहरी अधिकृत, महिला सशक्तीकरण र लैङ्गिक समानताको क्षेत्रमा काम गर्ने समाजका महानुभावलाई एकै मञ्चमा ल्याएर छलफल, अनुभव आदानप्रदान र भविष्यको अवसर तथा नेतृत्वको विषयबारे विचार गर्न यो सम्मेलन फलदायी भएको उनले विश्वास व्यक्त गरे ।