काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछाने भारतको सत्तारुढ भारतीय जनता पार्टी (भाजपा) को नयाँ दिल्लीस्थित मुख्यालय पुगेका छन् । त्यहाँ उनलाई पुष्पवृष्टीसहित भव्य स्वागत गरियो ।

भाजपाका अध्यक्ष नितिन नविनले सभापति लामिछानेलाई फुलको गुच्छा दिएर स्वागत गरेका थिए । लामिछाने र नविनबीच भेटवार्ताको कार्यक्रम रहेको छ ।

लामिछाने भाजपा कार्यालय पुग्दा बाजागाजा बजाएर नाचगानसमेत गरिएको थियो । नर्तकीहरुले सांस्कृतिक नृत्य देखाएका थिए । भाजतपा कार्यालयमा नेपाली समूदायका व्यक्तिहरु पनि पुगेका छन् । उनीहरुले रविलाई खादा लगाएर सम्मान गरेका थिए ।