काठमाडौं । प्रधानमन्त्री वालेन्द्र शाह (बालेन)ले अख्तियार दुरुपयोग अनुसन्धान आयोगका पदाधिकारीलाई बोलाएर सोधपुछ गरेको पुष्टि गरेका छन् । आइतबार रास्वपा महाधिवेशनमा बोल्दै प्रधानमन्त्री शाहले यस्तो पुष्टि गरेका हुन् ।

विगतमा राज्य कोष र राज्यको सम्पत्तिमाथि भएको शोषणविरुद्ध जोसुकैसँग दुस्मनी लिन तयार भएको बताए । तर, कुनै दल विशेषसँग दुस्मनी नलिने उनको भनाइ थियो ।

“हामी कोहीसँग पनि दुस्मनी लिँदैनौँ, तर हिजो राज्य कोषमा र राज्यको सम्पत्ति हिनामिना भएको छ भने दुस्मनी लिने हो,” शाहले यसअघि मिडियाले उठाएइका प्रश्नतर्फ संकेत गर्दै भने, “अख्तियारलाई बोलाएर चार–पाँच घण्टा मात्र होइन चार–पाँच वर्ष पनि सोधपुछ गर्ने हो ।”