विभागले उक्त कार्यक्रममा सहभागी भएर पुरस्कार प्राप्त गर्न खरिद बिल अनिवार्य हुने भएकाले उपभोक्ताले कुनै पनि वस्तु वा सेवा खरिद गर्दा बिल लिन नबिर्सन आग्रह समेत गरेको छ।

सूचनामार्फत हालसम्म स्थायी लेखा नम्बर (प्यान) नलिई व्यवसाय सञ्चालन गरिरहेका व्यवसायीलाई तत्काल प्यान लिएरऔपचारिक कर प्रणालीमा आबद्ध हुन समेत आह्वान गरिएको छ।

यस्तै, वस्तु तथा सेवा बिक्री गर्ने सबै व्यवसायीलाई अनिवार्य रूपमा बिक्री बिल जारी गर्नुपर्ने कानुनी व्यवस्था रहेको भन्दै त्यसको पूर्ण पालना गर्न विभागले निर्देशन दिएको छ।

विभागले बिल लिने–दिने अभ्यासलाई प्रभावकारी रूपमा कार्यान्वयन गर्न सके कर प्रणाली थप पारदर्शी बन्ने, वास्तविक कारोबारको अभिलेखीकरण सुदृढ हुने तथा करदातामा स्वेच्छिक कर अनुपालनको संस्कृतिको विकास हुने विश्वास व्यक्त गरेको छ।