तिलोत्तमा , भोटेकोशी नदीमा आएको विनासकारी बाढीवाट प्रभावित नागरिकहरुको राहत तथा पुनस्थापनाका लागि तिलोत्तमामा रहेको  सिद्धार्थ इङ्ग्लिस बोर्डिङ सेकेन्डरी स्कुलले ५ लाख १० हजार रुपैयाँ आर्थिक सहयोग गरेको छ ।

विद्यालयका तर्फबाट २ लाख ५६ हजार ६ सय ४२, शिक्षक तथा कर्मचारीहरूका तर्फबाट १ लाख ७० हजार ७ सय ५ र विद्यार्थीहरूका तर्फबाट ८२ हजार ६ सय ५३ गरी कुल ५ लाख १० हजार सहयोग गरेको प्राचार्य यम बहादुर रानाले बताउनुभयो।

प्राचार्य रानाका अनुसार ४ लाख ३० हजार प्याब्सन मार्फत र ८० हजार हिसान मार्फत प्रधानमन्त्री दैवी प्रकोप राहत कोषमा सहयोग स्वरुप जम्मा गरिएको बताउनु भएको छ।

विद्यालयले गरेको सानो सहयोगले पीडितहरूको जीवनमा केही आशा र राहत थप्न सकोस् भन्ने उद्धेश्यले सहयोग गरेको उहांले बताउनुभयो ।