काठमाडौं । प्रधानमन्त्री वालेन्द्र शाह(वालेन) ले विपत्ति र चुनौतीका बेला पूर्ण निष्ठाका साथ आफ्नो भूमिका निभाउनु नै श्रीकृष्णले सिकाएको वास्तविक कर्मयोग भएको बताएका छन् । सामाजिक सञ्जाल मार्फत कृष्ण जन्माष्टमीको शुभकामना दिँदै प्रधानमन्त्री शाहले विपत्ति र चुनौतीहरु आउने र धैर्य र कर्मको परीक्षा लिने उल्लेख गरेका छन् ।

उनले जन्माष्टमीको पावन अवसरमा सबैलाई कर्तव्यपथमा टिकिरहने धैर्य र शक्ति प्राप्तीको कामना समेत गरेका छन् ।

‘विपत्ति र चुनौतीहरू आउँछन्, जसले हाम्रो धैर्य र कर्मको परीक्षा लिन्छन् : यस्तो बेला पूर्ण निष्ठाका साथ आफ्नो भूमिका निभाउनु नै श्रीकृष्णले सिकाउनुभएको वास्तविक कर्मयोग हो,’ उनले सामाजिक सञ्जालमा लेखेका छन्, ‘श्रीकृष्ण जन्माष्टमीको पावन अवसरमा हामी सबैलाई कर्तव्यपथमा टिकिरहने धैर्य र शक्ति प्राप्त होस् : हार्दिक शुभकामना !’