बुटवल ,जनता टुडे – बुटवलमा प्रथम नगरस्तरीय राष्ट्रपति रनिङ शिल्ड प्रतियोगिता २०७६ बर्षका कारण प्रभाबित भएको छ । बुटवल उपमहानगरपालिका नगर खेलकुद विकास समितिको आयोजनामा एन्फा टेक्निकल सेन्टर देबिनगरमा रनिङ शिल्ड हिजोदेखि शुरु भएपनि आज हुने भनिएको उद्घाटन सत्र स्थगित भएको हो ।

खेल मैदान भारी बर्षाका कारण खराब भएपछि तत्कालका लागि खेलहरु र उद्घाटन कार्यक्रम स्थगित गरिएको आयोजक समितिका अध्यक्ष नन्द बहादुर काउचाले बताए ।

प्रतियोगितामा ४८ वटा ईभेन्टमा २ सय ५८ वटा पदकका लागि उनीहरुले भाग लिने छन् ।नगरभित्रका सामुदायिक र नीजि गरि २४ वटा विद्यालयका करीब ६ सय खेलाडीहरुको सहभागिता छ । सहभागि सबै बिद्यार्थीले शिल्ड,मेडल र प्रमाणपत्र पाउनेछन् भने उत्कृष्ट खेलाडीहरुलाई जिल्ला स्तरमा सहभागि गराइने र त्यसपछि प्रदेशमा सहभागिता पाउनेछन् ।