धादिङ
धादिङमा ट्रक दुर्घटना हुँदा ६ जनाको मृत्यु भएको छ धादिङको नीलकण्ठ नगरपालिका ८ ज्यामिरे भञ्याङमा मिनी ट्रक दुर्घटना हुँदा ६ जनाको मृत्यु भएको हो भने अरु ४० जना घाइते भएका छन् ।
मृतकको सनाखत हुन सकेको छैन । घाइतेमध्ये अधिकांशको अवस्था गम्भीर रहेको प्रहरीले जनाएको छ ।
धादिङको धोलामण्डलीमा गएर फर्कदै गरेको ग १ ख ८०१२ नम्बरको मिनी ट्रक अनियन्त्रित भई दुर्घटना भएको हो ।
ट्रक सडकबाट करिब ७० मिटर तल खसेको प्रहरीले जनाएको छ । घाइते सबैको उद्धार गरी धादिङ अस्पतालमा ल्याइएको छ भने गम्भीर घाइतेलाई थप उपचारका लागि हेलिकप्टरमार्फत काठमाडौं ल्याइदै छ ।