बुटवल ।
रुपन्देहीको सैनामैना रामापुरमा दुई मोटरसाइकल र स्कुटर एक आपसमा ठोक्किदा दुई जनाको मृत्यु भएको छ । एक जना गम्भीर घाइते भएका छन् ।
लु ४२ प ७०९६ र लु ३५ प ५०१९ नम्बरको मोटरसाइकल र लु २४ प ७४७२ नम्बरको स्कुटर एकआपसमा ठोक्‍किँदा २ जनाको घटनास्थलमै मृत्यु भएको इलाका प्रहरी कार्यालय बुटवलका प्रहरी नायव उपरीक्षक भीमलाल भट्टराईले जानकारी दिए ।दुर्घटनामा परि सैनामैना ७ का अन्दाजी वर्ष २१ का सुदिप चौधरी र नविन चौधरीको मृत्यु भएको हो । मृत्यु हुने मोटरसाइकलमा सवार हुन् । दुर्घटनामा घाईते भएका सन्तराम चौधरीको बुटवल प्रादेशिक अस्पताल बुटवलमा उपचार भईरहेको प्रहरीले जानकारी दिएको छ । तीन जना एऊटै मोटरसाइकलमा बिहेमा समाबेश भएर आउदै गरेका बुझिएको छ । स्कुटर चालक भने शकुसल छन्