सैनामैना ।

लैङ्गिक हिसां तथा बालविवाह अन्त्यका लागि साझा प्रतिवद्धता आवश्यक रहेको सैनामैना नगरपालिकाका सरोकारवालाहरुले बताएका छन् ।

सैनामैना नगरपालिकाको आयोजना तथा सिर्जनशिल संस्था नेपालको प्राविधिक सहयोगमा आयोजित कार्यक्रममा बोल्ने बक्ताहरुले लैङ्गिक हिसां तथा बालविवाहले ब्यक्ति, परिवार र समाजको विकासमा बाधा पु¥याउने भएकोले यसको अन्त्यका लागि ब्यवहारिक रुपले कार्यान्वयन गर्नुपर्ने बताएका हुन् ।

लैङ्गिक हिसां तथा बालविवाह अन्त्यका लागि नगरपालिकाले बिभिन्न सचेतना मुलक कार्यक्रम गरिरहेकोे सैनामैना नगरपालिकाका नगर प्रमुख चित्र बहादुर कार्कीले बताउनुभयो । लैङ्गिक हिसां तथा बालविवाहले ब्यक्तिको शारीरिक, मानसिक, परिवारिक, तथा समाजिक रुपले विकासका कार्यमा बाधा पु¥याउने भएकाले यसको अन्त्यका लागि ठोस कदम चलाईने नगर पमुख कार्कीले उल्लेख गनुभयो ।

लैङ्गिक हिसां तथा बालविवाह मुक्त नगर बनाउन जनप्रतिनिधि, राजनितिक दल, विभिन्न संघसंस्था, कर्मचारी पत्रकार, सुरक्षकर्मी लगायत सवै नगरवासिको सहयोग आवश्यक रहेको सैनामैना नगरपालिका उपप्रमुख विना रानाले बताउनुभयो ।

लैङ्गिक हिसां तथा बालविवाह मुक्ता नगर बनाउन जन प्रतिनिधिहरुलाई कर्मचारीकहरुको तर्फबाट सहयोग रहने सैनामैना नगरपालिकाका प्रमुख प्रशासकीय अधिकृत टेकराज पन्थीले बताउनुभयो ।

लैङ्गिक हिसां तथा बालविवाह आफैंमा एउटा सामाजिक कुसंस्कार भएकोले यसको न्यूनीकरण, रोकथाम तथा अन्त्य गर्ने जिम्मेवारी हामी सबैको भएको नेकपा सैनामैना नगर संयोजक चेतनारायण न्यौपानेले जिकिर गनुभयोे ।

गरिबी, अशिक्षा, चेतनाको कमी, सामाजिक सञ्जालहरुको दुरुपयोग, देखासिकी प्रवृत्ति, बढ्दो आधुनिकीकरण जस्ता कारणले बालविवाह बढेको सिर्जनशिल संस्था नेपालकी अध्यक्ष प्रतिमा शर्माले बताउनुभयो ।

लैङ्गिक हिसां तथा बालविवाह सम्बन्धी कानूनी व्यवस्था र बालविबाहले पार्ने असर लगायतको बारेमा सचेतना फैलाउन आवश्यक रहेको ईलाका प्रहरी कार्यलाय मुर्गियाका प्रहरी निरिक्षक मनोज श्रेष्ठले बताउनुभयो । उहाँले सैनामैनाको वडा नं. ६, ७ र ८ मा सचेतनाका कार्यक्रम गर्नु्पर्नेमा जोड दिनुभयो । प्रशिक्षण कार्यक्रममा बालविवाह, यसका प्रमुख कारणहरु, बालविवाहबाट हुने विभिन्न खालका असर, यससम्बन्धी कानूनी व्यवस्था, बालविवाहका कारण हुने अपराध लगायतका विषयमा प्रशिक्षण दिइएको थियो ।

प्रशिक्षण कार्यक्रममा सैनामैना नगरपालिकाका वडा अध्यक्ष, कार्यपालिका सदस्य, वडा सदस्य, जनप्रतिनिधि, विभिन्न राजनितिक दलका प्रतिनिधि, नगरपालिकाका कर्मचारी, विभिन्न संघसंस्थाका प्रतिनिधि, सुरक्षाकर्मी, पत्रकार, बालक्लवका प्रतिनिधि लगाएतको उपास्थिती रहेको थियो ।