बुटवल –तिनाउ खोलामा डुवेर बेपत्ता भएका युवकको शव आज दिउंसो माथिल्लो सिद्धबाबा तल फेला परेको छ ।

फागुन २४ गते खोलामा डुबेर बेपत्ता भएका युवक चार दिनपछि आज फेला परेका हुंन् ।नेपाली सेना,शसस्त्र प्रहरी,जनपथ प्रहरी,नेपाल मगर संघ तिलोत्तमा नगर समिति,विभिन्न संघ–संस्था,राजनीतिज्ञ,समाजसेवी लगायतको अथक प्रयासपछि आज शव भेटिएको हो ।

उनको शव लुम्बिनी प्रादेशिक अस्पताल बुटवलमा पोष्टमार्टम गरि मगरघाटमा दाहसंस्कार गरिने स्थानीय एवं नेपाल मगर संघ तिलोत्तमा नगर समिति अध्यक्ष प्रेमबहादुर थापामगरले जानकारी दिनुभयो ।पाल्पाको तिनाउ जलविद्युत केन्द्रको ड्याम साइडमा डुबेर तिलोत्तमाका प्रदिप रोकामगर बेपत्ता भएका थिए ।तिनाउ गाउँपालिका ३ दोभान पाउर हाउसको ड्याममा पौडी खेल्ने क्रममा रुपन्देही जिल्ला तिलोत्तमा नगरपालिका ७ भलवाडी निवासी २१ वर्षका रोकामगर पौडी खेल्ने क्रममा डुबेर बेपत्ता भएका थिए।बेपत्ता युवकलाई खोजविन गर्न सहयोग गर्नुहुंने सबैमा राजनीतिज्ञ एवं समाजसेवी झमबहादुर गुरुङले आभार व्यक्त गर्नुभएको छ ।