बुटवल

बुटवलमा क्रियाशील प्रतिपक्षी दलहरुले राहत वितवरण र सडकमा अलपत्र परेकाहरु व्यस्थापन गर्न नसेको भन्दै सरकारको विरोध गरेका छन् ।

बैठकले बुटवल उपमहानगरपालिकाभित्र राहत वितरण गर्दा व्यवस्थित र नियमित नभएको व्यापक जनगुनासो आएको हुँदा ज्यालादारी काम गर्ने मजदुरहरू , न्यून आय भएका विपन्न परिवारहरू र भाडामा बसेका विद्यार्थीहरू लगायत कोही पनि भोको नरहने गरी  बिना पूर्वाग्रह व्यवस्थित र नियमितरूपमा राहत वितरण गर्न माग गरेको बैठकपछि जारी प्रेश विज्ञप्तीमा उल्लेख छ ।

उनीहरुले लकडाउनको कारण सडकमा अलपत्र परेका यात्रुहरूलाई व्यवस्थापन गर्न सरकारका सबै निकायहरूको भूमिका प्रभाकारी नदेखिएको हुँदा यात्रुहरूको खानपिनसहित उचितव्यवस्थापन गर्न माग गरेका छन् ।

यस्तै सीमानामा आएर अलपत्र परेका नेपालीहरूलाई नेपाल प्रवेश गराइ आवश्यक व्यवस्थापन गर्न जोडदार माग पनि गरेका छन् ।

यस्तै कोरोना भाइरस नियन्त्रण जोखिम बढेको कारण लकडाउन अवधिभरि भारतीय कृषि उपज सामग्री आयत पूर्णरूपमा बन्द गर्न र स्वदेशी कृषि उपजको आवागमन सहज बनाउपर्ने उल्लेख छ ।