बुटवल ।

रुपन्देहीको सहकारी अभियानका तर्फबाट सहकारी संघ संस्थाहरुका लागि संयुक्त अपिल जारी गरिएको छ । बिश्वभरी माहामारीको रुपमा फैलिरहेको कोरोना भाइरसका कारण नेपाल सरकारले तेस्रो चरणको बन्दाबन्दी यही बैशाख २५ गते सम्म तोकेको अवस्थामा आर्थिक ,सामाजिक एवं सांस्कृतिक क्षेत्रमा देखिएको विषम परिस्थितिलाई दृष्टिगत गर्दै जिल्ला स्थित सहकारी अभियान्ताहरूको संयुक्त बैठकले सहकारी संघ संस्थाहरुको संचालन र व्यवस्थापनका विषयमा अपिल जारी गरेको छ ।लकडाउनको कारण सबै क्षेत्र प्रभावित भए जस्तै सहकारी क्षेत्र पनि प्रभावित भएका छन भन्दै विषम परिस्थितीमा सम्पूर्ण सहकारी सघ सस्थाहरुले लकडाउन पालना गर्नुका साथै सहकारीका शेयर सदस्यमा पर्न सक्ने आर्थिक समस्या र त्यसबाट सहकारीमा दीर्घकालिन रुपमा पर्न सक्ने प्रभावहरुलाई समेत मध्यनजर गर्दै संस्थाले दिने सेवालाई अझ सुरक्षित र दीगो रुपमा सञ्चालन गर्न एक अपिल जारी गरिएको छ ।