काठमाडौं ।
दाङ, मकवानपुर र सल्यानमा डुबेर तीन जनाको मृत्यु भएको छ । दाङ, गढवा गाउँपालिका-३ भैसाखुट्टी बस्ने ५५ वर्षीय हरिबहादुर थापाको सोही ठाउँस्थित सुपैलाखोलामा नुहाउने क्रममा डुबेर मंगलबार दिउँसो मृत्यु भएको छ ।

मकवानपुर, बकैया गाउँपालिका-७ मानदमार बस्ने १४ वर्षीय सुकलाल बलको सोही गाउँपालिका-८ खजुरीदमारस्थित बकैया खोलामा पौडी खेल्ने क्रममा डुबेर मंगलबार दिउँसो मृत्यु भएको प्रहरीले जनायो ।

सल्यान, कालिमाटी गाउँपालिका-३ चौरी बस्ने प्रेमबहादुर ओलीको ५ वर्षीय छोरा हेमान्स ओलीको घर नजिकै रहेको पोखरीमा डुबेर मंगलबार दिउँसो मृत्यु भएको छ ।

घटनाको प्रहरीले थप अनुसन्धान सुरु गरेको जनायो ।