काटमाडौ
स्वास्थ्य तथा जनसंख्या मन्त्रालयको नियमित पत्रकार सम्मेलनमा थप ५३ जनामा कोरोना देखिएको जानकारी दिइएको हो ।
मन्त्रालयका अनुसार बाँकेमा थप ४७ जनामा कोरोना संक्रमण पुष्टि भएको छ ।
भेरी अस्पतालस्थित प्रयोगशालामा १ सय ९० जनाको परीक्षण गर्दा ४७ जनाको रिपोर्ट पोजेटिभ आएको छ ।
जसमा ४६ जना पुरुष र एक जना महिलामा कोरोना देखिएको हो ।
यसैगरी विराटनगरमा थप एक जनामा कोरोना पुष्टि भएको छ । यस्तै गुल्मी, धनुषा, रौतहट, दाङ र धादिङका एक जनामा कोरोना देखिएको हो ।
उनीहरू सबै १८ वर्षदेखि ४६ वर्ष उमेरसमूहका रहेका छन् ।
यससँगै कोरोना संक्रमितको संख्या ३ सय ५७ पुगेको छ । जसमध्ये २ जनाको मृत्यु भएको छ भने ३६ जना निको भएर घर फर्किएका छन् ।