काठमाडौं- नेपालमा लकडाउनको मोडालिटीका विषयमा आइतबार मध्यरात सम्म छलफल भए पनि निर्णय भने हुन सकेन ।

आइतबार प्रधानमन्त्री केपी ओलीसहितकै उपस्थितिमा कोरोना भाइरस नियन्त्रण तथा रोकथाम उच्चस्तरीय समिति बैठक बसेको थियो ।

बैठकमा लकडाउन खुकुलो पार्दै लैजाने मस्यौदामा छलफल भए पनि कुनै टुंगो भने लाग्न नसकेको एक सदस्यले बताए ।

बैठकपछि मन्त्रिपरिषद् कार्यालयका सचिव नारायणप्रसाद बिडारीले बैठकमा घनिभूत छलफल भए पनि निर्णयमा भने हुन नसकेको जानकारी दिए ।

लकडाउन लम्बिँदै जाँदा जनजीवन कष्टकर हुँदै गइरहे पनि सरकार यसबारे ठोस निर्णय गर्न अभलै सकेको छैन ।

लकडाउनको मोडालिटी समयमा तयार नपार्दा उल्लंघन समेत हुनथालेको छ ।