बुटवल – बुटवलमा थप एक कोरोना संक्रमितको मृत्यु भएको छ ।बुटवलको कोरोना विषेश अस्पतालमा बुटवल उपमहानगरपालिका–५ का ६७ वर्षीय पुुरुषको आइतबार मृत्यु भएको अस्पतालले जनाएको छ ।

उच्च ज्वरो आएपछि पीसीआर परीक्षणमा कोरोना पुष्टि भएपछि आईतबार बिहान ४ः ३५ बजे उनी लुम्बिनी प्रादेशिक अस्पतालको फिभर क्लीनीकमा भर्ना भएका थिए । अस्पतालको फिभर आइसोलेसनमा आईतबार बिहानै देखि उपचाररत रहेका उनको मध्यान्ह १२ः३० बजे मृत्यु भएको अस्पतालका प्रवक्ता डा. बिष्णु गौतमले बताए ।

कोरोना संक्रमित मृतकमा पहिले देखिनैमुटुरोग, मधुमेह र प्रेसरको रोग रहेको अस्पतालले जनाएको छ । श्वासप्रश्वासमा समस्या आएपछि उनी अस्पताल भर्ना भएका थिए ।

आज थपिएसँगै बुटवलमा मृत्यु हुनेको संख्यामा ३ पुगेको छ । रुपन्देहीमा अहिले सम्ममा मृत्यु हुनेको संख्या ९ पुगेको छ ।