बुटवल ।

बुटवल उपमहानगरमा ३२  सहित रुपन्देहीमा मंगलबार ६० जनामा कोरोना भाइरस संक्रमण पुष्टि भएको छ ।

यससँँगैै रुपन्देहीमा कोेरोेना संक्रमितको कुल संख्या १ हजार ८ सय २१ पुगेको छ ।

पछिल्लो २४ घण्टामा बुटवल उपमहानगरमा ३२सहित रुपन्देहीमा मंगलबार ६०जनामा कोरोना भाइरस संक्रमण पुष्टि भएको स्वास्थ्य कार्यालय रुपन्देहीले जनाएको छ ।

मंगलबार रोहिणी गाउपालिकाका ११ जना, सिद्धार्थनगर नगरपालिकामा ८ जना, कञ्चन गाँउपालिकाका ६ जना र देवदह नगरपालिकाका ३ जना गरी ५८ जनामा कोरोना भाइरस संक्रमण पुष्टि भएको हो ।

जिल्लामा ८ सय ३९ जना कोरोना भाइरस संक्रमित उपचार पछि निको भएर घर फर्कीएका छन भने १६ जना कोरोना संक्रमितको मृत्यु भईसकेको छ ।
रुपन्देहीमा हाल ९ सय ६२ जना कोरोना भाइरस संक्रमित उपचाररत रहेको स्वास्थ्य कार्यालय रुपन्देहीले जनाएको छ ।

बुटवलमा आज थपिएकामध्ये २२ जना महिला र १० पुरुष हुन्। बुटवल उपमहानगरपालिका स्वास्थ्य शाखाका अनुसार बुटवलमा जम्मा संक्रमितको संख्या ६१४ पुगेको छ।

जसमध्ये ३०१ जना सक्रिय संक्रमित रहेका छन्। बुटवलमा मंगलबारसम्म ७ जनाको मृत्यु भएको छ ।

मंगलबारको तथ्यांकअनुसार वडा नं १ मा १, ३ मा ९, ४ मा १, ७ मा २, ८ मा ४, ९ मा ४, १३ मा ३, १४ मा २, र अन्य गरी ६ जना संक्रमित थपिएका हुन्।