बुटवल
बुटवल उपमाहानगरपालिकाका २३ जना सहित रुपन्देहीमा बुधबार ७३ जनामा कोरोना भाइरस संक्रमण पुष्टि भएको छ।आज सबैभन्दा बढी बुटवल र सिद्धार्थनगरमा २३ २३ जना, तिलोत्तमा नगरपालिकामा १६ जना, देवदहमा ६ कञ्चनमा ३, सैनामैना र सियारीमा १(१ जनामा संक्रमण पुष्टि भएको छ। आज थपिएका संक्रमितसँगै जिल्लामा कुल संक्रमितको संख्या २ हजार २ सय पुगेको छ। पछिल्लो २४ घण्टामा विभिन्न ल्याबमा गरिएका परिक्षणमा  २६ महिला र ४७ पुरुषमा संक्रमण पुष्टि भएको स्वास्थ्य कार्यालय रुपन्देहीका भेक्टर कन्ट्रोल निरीक्षक तथा कोभिड फोकल पर्सन केदारनाथ शाहले बताउनुभयो।
कार्यालयका अनुसार हालसम्म २१ जनाको मृत्यु भएको छ। जिल्लाका विभिन्न क्षेत्रबाट १४५० जना निको भएर फर्किसकेका छन् ।