बुटवल ।
बुटवलका ३५ सहित रुपन्देहीमा शनिबार थप ६६ जनामा कोरोना संक्रमण पुष्टि भएको छ ।

पछिल्लो २४ घण्टामा २१ महिला र ४५ पुरुष गरी रुपन्देहीमा थप ६६ जनामा कोरोना भाइरस संक्रमण पुष्टि भएको स्वास्थ्य कार्यालय रुपन्देहीले जनाएको छ ।

यससँगै रुपन्देहीमा कोरोना संक्रमितको संख्या २ हजार ४ सय १२ पुगेको छ ।

स्वास्थ्य कार्यालय रुपन्देहीका अनुसार शनिबार बुटवल उपमहानगरपालिकाका ११ महिला र २४ पुरुष गरी ३५ जना, सिद्धार्थनगर नगरपालिकाका ५ महिला र ८ पुरुष गरी १३ जना, तिलोत्तमा नगरपालिकाका २ महिला र ४ पुरुष गरी ८ जना,देवदह नगरपालिकाका १ महिला र ३ पुरुष गरी ४ जना,सुद्धोधन र मायादेवी गाउपालिका २÷२ जना,सैनामैना नगरपालिका र ओमसतिया गाउपालिकाका १\१ जना गरी ६६ जनामा कोरोना भाइरस संक्रमण पुष्टि भएको छ ।

रुपन्देहीमा हालसम्म १ हजार ७ सय २६ जना कोरोना संक्रमित निको भएका छन भने हाल ६ सय ६४ जना उपचाररत रहेको स्वास्थ्य कार्यालय रुपन्देहीले जनाएको छ । जिल्लामा हासम्म २२ जना कोरोना संक्रमितको मृत्यु भएको छ ।