बुटवल-बुटवलमा १२ जना जुवाडे पक्राउ परेका छन् । ईलाका प्रहरी कार्यालय बुटवलले एकैदिन दुई ठाउँमा छापामारी उनीहरुलाइ पक्राउ गरेको हाे । प्रहरीले उनीहरूको साथबाट नगद करीब १ लाख बढी नगद केही बुक तास समेत फेला पारेको छ ।

बुटवल उपमहानगरपालिका ७ सुख्खानगरमा तास खेलिरहेको अवस्थामा ५ जना जुवाडेलाई प्रहरीले पक्राउ गरेको हो । दिउँसो घरमा तास खेलिरहेको अवस्थामा उनीहरू रंगे हात पक्राउ परेका हुन् ।

करिब ६५ हजार नगद र तास सहित ५ जनालाई प्रकाउ गरेको ईलाका प्रहरी कार्यालय बुटबलले जनाएको छ ।

त्यसैगरी प्रहरीले बुटवलको मैनाबगरमा रहेको लुम्बिनी स्टाफ होटलबाट तास खेलिरहेका ७ जना जुवाडेलाई नगद ४५ हजार सहित पक्राउ गरेको प्रहरी स्रोतले जनाएको छ ।

पक्राउ परेका जुवाडेहरूलाई जुवा ऐन अन्तर्गत मुद्दा चलाउने तयारी भैरहेको प्रहरीले जनाएको छ ।